Jeremiq: Vuçiq planifikon trazira në Kosovë

Vuk Jeremiq ka deklaruar se Aleksandar Vuçiq, është duke planifikuar që gjatë muajve të ardhshëm të shkaktoj trazira në pjesën veriore të Mitrovicës, me qëllim që marrëveshja me Prishtinën që nënkupton anëtarësimin në OKB të përjetohet disi më lehtë, shkruajnë mediat serbe.

Jeremiq gjithashtu është i bindur se qeveria aktuale po e mban Serbinë “de fakto të okupuar”, duke akuzuar drejtpërdrejt për këtë Vuçiqin, transmeton Telegrafi.

Sipas Jeremiqit, qeveria aktuale në Serbi në llogari të çështjes së Kosovës, si shpërblim fiton përkrahjen ndërkombëtare, transmeton Telegrafi.

Vuk gjithashtu beson se Vuçiqit po t’i jepej mundësia ta “shet” Kosovën, do ta bënte në këmbim të anëtarësimit të Serbisë në NATO.