Në QKUK, pacientët para operacionit detyrohen t’i blejnë të gjitha pajisjet

Aktuale June 12, 2018 - 13:23
Lexoni më shumë detaje

Në Qendrën Klinike dhe Universitare të Kosovës, vazhdojnë të mungojnë pajisjet elementare të sallës së operacionit, raporton “Zeri.info”.

Edhe gjatë ditës së sotme pacientët e Klinikës së Neurokirurgjisë, janë detyruar që para se të hyjnë në operacion të blejnë shiringa, doreza për mjekët, gazat, penj e shumë gjëra të tjera bazike, raporton “Zeri.info”.

Kjo është bërë e ditur nga neurokirurgu Haxhi Avdyli, i cili është edhe deputet i Kuvendit të Kosovës nga radhët e Lidhjes Demokratike të Kosovës.

Avdyli para nisjes së operacionit e ka publikuar një fotografi nga salla e operimit në të cilën ka shkruar se e vetmja gjë që mjekët mund t’u ofrojnë pacientëve është shërbimi, ekspertiza dhe siç thotë ai, ndonjëherë ndonjë fjalë të mira e buzëqeshje, raporton “Zeri.info”.

Postimi i plotë i Haxhi Avdylit:

Në pritje të nisjes të operacionit në klinikën e Neurokirurgjisë.

Mungojnë e blehen nga pacientët shiringa,dorezat, gazat, penjtë, e shumë gjëra bazike.

Të vetmen gjë po ua ofrojmë shërbimet ,ekspertizën tonë dhe ndonjëherë ndonjë fjalë të mira e buzëqeshje.

Image