Lista Serbe: I papranueshëm bashkimi doganor Kosovë-Shqipëri
Aktuale
June 07, 2018 - 00:01
Lexoni lajmet më të fundit nga vendi, rajoni, bota....
Kuvendi i Kosovës dje miratoi marrëveshjen për unifikimin doganor ndërmjet Kosovës dhe Shqipërisë.
67 deputetë votuan pro kësaj marrëveshje, një kundër ndërsa një tjetër abstenoi.
Për Listën Serbe ky bashkim doganor është i papranueshëm.
“Bashkimi doganor ndërmjet Prishtinës dhe Tiranës bënë të qartë se po manifestohet ‘Politika e Madhe Shqiptare’. Kjo konfirmon nevojën për takim më të ngutshëm të përfaqësuesve të Listës Serbe me presidentin e Serbisë, Aleksandar Vuçiq”, ka deklaruar kjo Listë, përcjell lajmi.net.
Lista Serbe ka theksuar se ky bashkim doganor është krejtësisht i papranueshëm për ta duke shtuar se ishte një produkt i ‘dhunës’ politike në Kuvendin e Kosovës.
