58 vetura të reja për Policinë e Kosovës

Aktuale May 22, 2018 - 16:54
Lexo detajet

Policia e Kosovës që nga dita e djeshme është pajisur edhe 58 automjete patrulluese të reja. Kështu kanë bërë të ditur nga zyra për informim e PK-së.

“Me datën 21.05.2018 kanë arritur 58 automjete patrulluese të reja, të cilat janë porositur përmes kontratës në fuqi. Aktualisht komisioni është në proces të kontrollimit të përputhshmërisë së specifikacioneve sipas kontratës”, thuhet në përgjigjen e zyrës së informimit të PK-së.

Këto automjete do të shpërndahen nëpër njësi policore ku janë më të nevojshme.

“Posa të përfundohet procesi i pranimit dhe t’u kryhen procedurat e regjistrimit, automjetet në fjalë do të shpërndahen nëpër njësi policore aty ku janë më të nevojshmet bazuar në vlerësime të nevojave operacionale”, thuhet më tej në përgjigje. /Telegrafi/

Image