PDK-ja tregon se kur do ta organizojë tryezën e radhës me partitë politike

Nënkryetari i Partisë Demokratike të Kosovës, Memli Krasniqi, ka konfirmuar se partia e tij do të thërras tryezën e radhës të partive politike, ashtu siç ishin marrë vesh në takimin e parë, që kjo tryezë të organizohet me rotacion nga të gjitha partitë.

Krasniqi ka thënë se tryeza do të thirret në fillimin e javës që po vjen.

“Mund të iu konfirmoj se ne do të ftojmë partitë politike për takimin e radhës që planifikojmë ta mbajmë në fillimin e javës së ardhshme”, ka thënë Krasniqi për Periskopin.

Ndërkohë ende nuk dihet se cilat do të jenë temat e diskutimit që do të caktohen nga PDK-ja sa i përket kësaj tryeze.

LEXO EDHE: 18 vjet nga themelimi i AAK-së, Haradinaj më i fuqishëm se strukturat

Tryeza e parë e këtij lloji ishte organizuar nga Lidhja Demokratike e Kosovës, e cila kishte ftuar të gjitha partitë politike për të diskutuar rreth një konsensusi të përbashkët rreth temave të rëndësisë nacionale.

Përfaqësuesit e Grupit të Deputetëve të Pavarur, Visar Ymeri dhe Dardan Sejdiu, mbrëmë kanë deklaruar se parimisht do të marrin pjesë në këtë tryezë të PDK-së, megjithatë mbetet të shihet se cilat do të jenë temat që do të caktohen për diskutim.
Një nga pikat kryesore të asaj tryeze ishte edhe diskutimi për caktimin e datës së zgjedhjeve të parakohshme, por që në atë takim nuk u diskutua fare lidhur me atë çështje.