Reshitaj e pikëlluar për zhdukjen e policëve, mbështet ata që po i kërkojnë
Ministrja e Mjedisit dhe Planifikimit Hapsinorë Albena Reshitaj, përmes një postimi në rrjetin e saj social “Facebook”, ka shprehur pikëllimin me rastin e zhdukjes së dy pjestarëve të policisë pas një aksidenti trafiku në magjistralen Kacanik-Hani i Elezit, transmeton “Zëri.info”.
Përmes këtij postimi Reshitaj ka falendëruar të gjithë pjesmarrësit që po mundohen për gjetjen e trupave të tyre.
Ja postimi i plotë i saj:
Pikëllues lajmi për zhdukjen e dy policëve në lumin Lepenc
Në këto momente të vështira ndajë shqetësimin tim me familjarët, kolegët dhe të gjithë qytetarët tanë.
Pjesëtarët e Policisë së Kosovës janë krenaria e shtetit tonë, ata rrezikojnë jetën për sigurinë e qytetarëve, andaj jemi çdo herë me ta dhe pranë tyre, edhe në momente të tilla të vështira.
Falenderojë Policinë e Kosovës, FSK-në, Agjencinë e Sherbimit Emergjent dhe gjithë ata që po marrin pjesë në zbardhjen e fatit të policëve të zhdukur. /ZERI