Aktuale

Belgjika kërkon normalizimin e raporteve mes Kosovës dhe Serbisë

Belgjika kërkon normalizimin e raporteve mes Kosovës dhe Serbisë
22 prill 2018 • 11 : 07

Charles Michell kryeministër i Belgjikës, flet për raportet ndërmjet Kosovës dhe Serbisë

Charles Michell kryeministër i Belgjikës, pritet që gjatë ditës së nesërme të zhvillojë një vizitë në Beograd.

Ai para vizitës ka thënë se këtë vizitë po e realizon për të kërkuar zbatimin e reformave në rrugën e Serbisë drejt Evropës.

Michell foli edhe për raportet ndërmjet Kosovës dhe Serbisë.

LEXO EDHE: Ambasadori norvegjez në Beograd ‘godet keq’ Ivica Daçiqin për Kosovën Lindore

“Ne e kemi njohur pavarësinë e Kosovës, por duam të diskutojmë për mënyrën se si dy palët duhet të afrohen drejt normalizimit”, tha Michell, transmeton lajmi.net

Kryeministri belg gjithashtu theksoi se Samiti që do të mbahet në Sofje, do të jetë shumë i rëndësishëm për rrugën e Ballkanit drejt BE-së.

“Samiti i Sofjes konfirmon angazhimin e BE-së në rrugën evropiane të Ballkanit Perëndimor”, tha Michell.

Kjo vizitë vie në vazhdën e bisedimeve që Vuçiq po vazhdon t’i realizojë me diplomatët ndërkombëtar për Kosovën. 

© zëri.info