Haradinaj uron besimtarët ortodoksë për festën e Pashkëve
Me rastin e kremtimit të Festës së Pashkëve, kryeministri i Kosovës, Ramush Haradinaj, ka uruar të gjithë besimtarët ortodoksë në Republikën e Kosovës dhe më gjerë.
“Sikurse çdo festë tjetër, edhe Pashkët Ortodokse janë moment i veçantë për të shprehur ndjenjën e solidaritetit, mirëkuptimit, respektit të ndërsjellë për të gjithë qytetarët, pa dallim etnie, kulture dhe feje”, tha kryeministri Haradinaj.
LEXO EDHE: Thaçi uron besimtarët ortodoksë për festën e Pashkëve
“Kjo festë e ringjalljes na frymëzon për të qenë kurdoherë në anën e të mirës, të së drejtës dhe na ofron mundësinë për të rritur unitetin dhe tolerancën ndërmjet njerëzve. Kosova ka qenë dhe do të mbetet vend i tolerancës fetare, si një vlerë unike e traditës tonë. Me shëndet Pashkët ortodokse!”, thuhet në urimin e kryeministrit Haradinaj.
