Moska dhe Uashingtoni reagojnë për arrestimin e Marko Gjuriq

Rusia dhe SHBA kanë reaguar lidhur me incidentet e së hënës në Kosovë, ku u arrestua zyrtari serb Marko Gjuriq, raportojnë mediat serbe, përcjell "Zëri.info".

Të dy vendet kanë dënuar këto ngjarje, njoftoi “Tanjug” të mërkurën.

Ministria e Punëve të Jashtme e Rusisë "e dënoi me vendosmëri" incidentin në Kosovë duke thënë se kishte për qëllim "të frikësonte të gjithë serbët e Kosovës".

"Ne po u bëjmë thirrje të gjithë atyre që mund të ndikojnë në fuqitë e Kosovës që të japin përgjegjësitë e tyre për këto ngjarje dhe të lehtësojnë eskalimin e tensioneve në Kosovë", thuhet në një deklaratë të tyre.

Rusia gjithashtu vuri në dukje "mospërfilljen e hapur" të misioneve ndërkombëtare, KFOR-in dhe EULEX-in, të cilët "i vëzhguan ngjarjet si të huaj dhe nuk zbatuan mandatin e tyre" dhe nuk arritën të parandalonin veprimet e paligjshme nga shqiptarët e Kosovës, raporton tutje B29, përcjell "Zëri.info".

"Kjo sjellë përfundimin se Prishtina, BE-ja dhe Shtetet e Bashkuara nuk kanë ndërmend të marrin në konsideratë të drejtat dhe interesat e serbëve dhe do të shtypin ashpër përpjekjet e tyre për të mbrojtur interesat e tyre legjitime", shtoi MPJ-ja ruse.

Moska gjithashtu e gjen "të dukshme" se shqiptarët e Kosovës, "siç u mësuan", po ndjekin shembullin e udhëheqësve të tyre nga SHBA dhe Evropa që "po shkelin bazat e paqes ndërkombëtare si dhe veprojnë pa marrë parasysh ligjin".

"Kjo linjë jashtëzakonisht e rrezikshme është e mbushur me përsëritjen e përleshjeve të armatosura në Kosovë dhe destabilizimit në Ballkan në përgjithësi", thuhet më tutje, përcjell "Zëri.info". 

Nga ana tjetër, deklarata e SHBA-së "dënoi ashpër" ngjarjet në Kosovë, "të cilat në mënyrë të panevojshme rrisin tensionet dhe kërcënojnë stabilitetin rajonal".

"Ne i nxisim të gjitha palët që të shmangin përshkallëzimin e mëtejshëm të situatës dhe të veprojnë me qetësi dhe të zgjidhin mosmarrëveshjet. Për të krijuar paqe dhe stabilitet të qëndrueshëm në Ballkan, Kosova dhe Serbia duhet të përqendrohen në normalizimin e marrëdhënieve nëpërmjet dialogut të udhëhequr nga BE. Shtetet e Bashkuara janë të gatshme të mbështesin të gjitha palët në negociatat për dialog,”, thuhet në komunikatën e Departamentit të Shtetit të SHBA-ve. /ZERI/