Demarkacionit ia 'panë sherrin' 52 projektligje
Projektligji për demarkacionin i cili arriti të ratifikohej dje pas katër seancave, i ka shpenzuar legjislativit një kohë mjaftë gjatë duke lënë prapa shumë projektligje që kanë të bëjnë drejtpërsëdrejti në interes të vendit.
Ndryshe tre mujori i pare i vitit 2018 është ndër më të dobëtit ne historinë e Kuvendit sa i përket miratimit te ligjeve, krahasuar me periudhat e njëjta të viteve të kaluara, ka thënë për Indeksonline Albert Krasniqi, Monitorues i punës së Kuvendit të Kosovës.
“Në periudhën janar – mars te vitit 2016 janë miratuar 9 ligje. Ne përudhen e njëjtë të vitit 2017 janë miratuar 13 ligje. Tre mujori i pare i vitit 2018 është nder më të dobëtit në historinë e Kuvendit sa i përket miratimit te ligjeve, krahasuar me periudhat e njëjta të viteve të kaluara. Legjislatura e VI-të e Kuvendit aspektit ligjbërës i ka dedikuar me pak se 40% të kohës se saj”, ka thënë Krasniqi.
Ai tutje ka shpjeguar se përgjatë 3 muajve të 2018-së janë miratuar vetëm pesë ligje, prej të cilave dy janë marrëveshje ndërkombëtare.
“Aktualisht në procedurë janë 52 projektligje të cilat janë duke u shqyrtuar në komisionet parlamentare. Përgjatë vitit 2018 janë miratuar vetëm pesë ligje, prej të cilave dy janë marrëveshje ndërkombëtare”, ka thënë Krasniqi.
Ndërkaq që nga nesër Kuvendi i Kosovës ka paralajmëruar seancë në të cilën në rend të ditës janë 13 pika të cilat legjislativi do ti shqyrtoj, për ti kaluar tutje.
