Thaçi dekoron Christoph Heusgen, njeriun më me ndikim të kancelares Merkel

Presidenti i Republikës së Kosovës, Hashim Thaçi, dekoroi përfaqësuesin e përhershëm të Gjermanisë në OKB, Christoph Heusgen me Medaljen Presidenciale Jubilare të dhjetëvjetorit të pavarësisë. Christoph Heusgen, ishte për një kohë të gjatë këshilltari kryesor i Angela Merkel, dhe ka influencuar politikën e jashtme të Gjermanisë.

Ai edhe si ambasador në OKB, konsiderohet si njeriu më me ndikim i kancelares Merkel. Presidenti Thaçi në një postim në Facebook ka shkruar:

Pata kënaqësinë që t'ia ndaj mikut tim dhe të Kosovës, përfaqësuesit të përhershëm të Gjermanisë në OKB, Christoph Heusgen, Medaljen Presidenciale Jubilare të dhjetëvjetorit të pavarësisë. HTH