Matoshi – Të dorëhequrve: Votojeni demarkacionin, jepni krahë Republikës
Këshilltari i kryeministrit Ramush Haradinaj, Halil Matoshi ka thënë se Grupi i të Dorëhequrve nga lëvizja “Vetëvendosje” nuk kanë asnjë arsye morale dhe ideologjike që të mos ta ratifikojë marrëveshjen e Demarkacionit me Malin e Zi, transmeton “Zëri.info”.
Matoshi ka apeluar grupin e Deputetëve të Pavarur që ta votojnë këtë marrëveshje ndërshtetërore.
Përmes një postimi në rrjetin social “Facebook”, ai ka shkruar se nëse demarkacioni mbetën peng i ideologjisë revolucionare dhe “Jo” – së ndaj të gjitha proceseve që po kalon vendi, atëherë ky grup deputetësh që nesër mund të bëhet parti politike, do të vuaj i eklipsuar nga organizata amë dhe nuk do të ketë ofertë politike për qytetarët, por do të mbetët kopje e zbehtë e Lëvizjes.
Postimi i plotë i Matoshit:
Krahu i moderuar që u shkëput nga Lëvizja Vetëvendosje, Ymeri, Molliqaj, Sejdiu, Gorani etj. nuk e kanë asnjë arsye sot, as morale dhe as ideologjije, për të mos e votu demarkacionin.
Ku grupim politik (deputetë të pavarur) duhet ta justifikojë para qytetarëve daljen nga organizata e Albin Kurtit, me sjellje të përgjegjshme dhe profil politik qytetar!
Nëse mbetët peng i ideologjisë revolucionare dhe “Jo” - së ndaj të gjitha proceseve që po kalon vendi, atëherë ky grup deputetësh që nesër mund të bëhet parti politike, do të vuaj i eklipsuar nga organizata amë dhe nuk do të ketë ofertë politike për qytetarët, por do të mbetët kopje e zbehtë e Lëvizjes!
Vota për demarkacionin i nxjerr ata nga mistika dhe konspiracioni, në rrafshin e realpolitikës! I mgrit ata mbi interesat partikulare dhe individuale dhe i rreshton në mbrojtje të Republikës!
Jepni krahë Kosovës!