Rasim Selmanaj: AAK-ja është unike për demarkacionin

Aktuale March 20, 2018 - 15:09

Deputeti i Aleancës për Ardhmërinë e Kosovës, Rasim Selmanaj është pro ratifikimit të demarkacionit.

Në një prononcim për lajmi.net, Selmanaj ka bërë të ditur se nuk ka ndryshuar qëndrim pasi kërkesa e tij që raporti i Shpejtim Bulliqit të përfshihet brenda projektligjit për ratifikimin e marrëveshjes me Malin e Zi, është përmbushur.

“Tani ne jemi në konsultime si Grup dhe do të jemi unik në qëndrime. Qëndrimi është im është njëjti”, ka shtuar Selmanaj.

Seanca për demarkacionin pritet të fillojë sot në orën 16:00.

Koalicioni qeverisës ka deklaruar se i ka të gjitha votat për ratifikimin e marrëveshjes.