Aktuale

Daçiq për ‘pakon amerikane’: Njohja e pavarësisë së Kosovës e papranueshme

Daçiq për ‘pakon amerikane’: Njohja e pavarësisë së Kosovës e papranueshme
12 mars 2018 • 09 : 19 Foto: Laura Hasani

Reagon Ivica Daçiq

Ministri i Jashtëm serb, Ivica Daçiq ka thënë se vizita e ndihmës sekretarit të Shtetit për Çështje Evropiane dhe Euroaziatike, Wess Mitchell në Beograd është shumë e rëndësishme.

“Ne kemi nevojë të kemi kontake me njerëz nga autoritetet e Trampit sepse dihet se administrata e cila ishte personifikuar nga dinastia Klinton nuk na ka përfillur”, ka deklaruar Daçiq.

LEXO EDHE: Gjuriq: Edhe Serbia ka planin 4-pikësh për Kosovën

Ai ka shtuar se tashmë ka pasur mundësi të takohej me Michelle dhe përshtypjet e para kanë qenë pozitive, transmeton lajmi.net.

“Qëndrimi ynë është shumë i qartë rreth dialogut, pranimi i pavarësisë së Kosovës pa ndonjë marrëveshje është absolutisht i papranueshëm”, ka thënë ministri serb duke iu referuar plan-projektit të SHBA-ve në lidhje me Kosovën.

Mitchell do të vizitojë Serbinë të mërkurën, ndërkohë sot do të qëndroj për vizitë në Kosovë.

© zëri.info