Aktuale

Zgjidhet enigma: Presidenti e ka falsifikuar foton me Adem Jasharin

Zgjidhet enigma: Presidenti e ka falsifikuar foton me Adem Jasharin
11 mars 2018 • 21 : 58

Ja si është bërë ky falsifikim

Një foto e vitit 1993 e tani presidentit Hashim Thaçi me komandantin legjendar Adem Jashari po del të jetë e falsifikuar.

Fotoja që qarkullon prej vitesh u rikthye në vëmendjen e publikut në kuadër të Epopesë së UÇK’së kur Thaçi vendosi ta publikojë në Facebook.

Adem Jashari në Tiranë së bashku me Hashim Thaçin. Kështu tregon një foto të cilën e ka publikuar vetë presidenti në llogarinë e tij në Facebook.

LEXO EDHE: Hashim Thaçi publikon një foto me Adem Jasharin, Kadri Veselin dhe Jakup Nurën

Ish-kryeministri thotë se foto u realizua në fillimet e rezistencës së UÇK’së.

“Krenar me Epopenë e UÇK-së! Në fillimet e rezistencës së Ushtrisë Çlirimtare të Kosovës, së bashku me Komandantin legjendar, Adem Jasharin. Tiranë, mars 1993. HTH”, shkroi Thaçi në Facebook, më datën 6 të këtij muaji.

Por ka dyshime në vërtetësinë e fotos.

Ramiz Behluli nëpërmjet një shkrimi në Facebook, qysh më 2016 kishte thënë se fotoja është falsifikim.

Këtë e kishte shpjeguar në Facebook duke analizuar foton.

“1.Prerje jo profesionale e fotos

2.Bërryli i krahut ? (Le ta analizojnë ortopedët se është e mundur të lakohet krahu në këtë formë ovale)siq është në foton 1 )?!

3.Shikimi i A Jasharit ?!

4.Sfondi (mbrapa Vetëm ngjyrë e bardhë pa asnjë detajë të vogël)

5.Cili prej tyre ishte më i gjatë (Afërsia e njejtë nga është bërë foto)?!”, shkruan ai.

Hashim Thaçi ishte drejtues politik i Ushtrisë Çlirimtare të Kosovës.

Image

Image

 

© zëri.info