Pas përjashtimit të Kosovës nga EQAR, ministri Bytyqi fton në takim organizatat studentore
Ministri i Arsimit, Shyqiri Bytyqi, ka ftuar në një takim konsultativ të gjithë përfaqësuesit e organizatave studentore, për të diskutuar lidhur me cilësinë e arsimit në Kosovë.
Duket se kjo thirje e ministrit Bytyqi për përfaqësuesit studentor është nxitur nga njoftimi për protestë gjatë ditës së nesërme nga këta të fundit.
Sipas njoftimit, shkas për këtë protestë është përjashtimi i Agjencisë së Kosovës për Akreditim nga EQAR.
Njoftimi i plotë i ministrit Bytyqi:Ftesë
Sot në ora 17:00, në MASHT ftohen të gjithë përfaqësuesit e Organizatave Studentore në një takim të përbashkët ku do të diskutojmë për situatën e krijuar në Arsimin e Lartë në Kosovë.
Takimi do të jetë konsultativ për të dëgjuar nga afër shqetësimet e përfaqësuesve të studentëve dhe për informim të drejtë për zhvillimet e fundit.