Hoti: LDK është unike për demarkacionin

Lidhja Demokratike e Kosovës, po konsideron se marrëveshja e dy presidentëve, atij të Kosovës Hashim Thaçi dhe Malit të Zi, Filip Vujanoviq, për demarkacionin është e njëjta e para tri viteve dhe nuk ka ndonjë ndryshim.

Për këtë arsye Grupi Parlamentar i LDK-së është unik për ta votuar këtë marrëveshje në Kuvendin e Kosovës që pritet të vendosen sot në mbledhjen e Kryesisë së Kuvendit që do të mbahet në ora 16:00.

LEXO EDHE: Apostolova ka takuar Listën Srpska, por nuk tregon nëse i ka bindur për demarkacionin

Shefi i Grupit Parlamentar të LDK-së në Kuvend, Avdullah Hoti ka lënë të kuptohet se do ta votojnë marrëveshjen.

“Grupi jonë është unik, kjo pasi është e njëjta marrëveshje”, ka thënë Hoti për lajmi.net.

Ndërsa kjo javë do të jetë përfundimtare për ratifikimin e demarkacionit në Kuvend, ku pritet që të hedhet në votim.

Kryeministri dje përmes një konference për gazetarë tha se mund të shkojë edhe një javë derisa të koordinohet, sepse sipas tij, është pritur 3 vite, dhe nuk duhet të nguten për një javë.