Deputetët e LDK-së takojnë Delawien dhe Apostolovan, konfirmojnë votën pro Demarkacionit
Deputetët e Lidhjes Demokratike të Kosovës u takuan sot me ambasadorin e SHBA-ve në Kosovë, Greg Delawie dhe shefen e Zyrës së BE–së, Nataliya Apostolova.
Në takimet e ndara, deputetët e LDK-së biseduan për situatën e përgjithshme në vend me theks të veçantë në procesin e Ratifikimit të Marrëveshjes për Kufirin në mes të Republikës së Kosovës dhe Republikës së Malit të Zi.
“Si ambasadori Dellawie ashtu edhe znj. Apostolova, vlerësuan lart kontributin e Lidhjes Demokratike të Kosovës në këtë proces dhe konsistencën për integrimet euroatlantike”, thuhet në njoftimin e LDK-së.
Kryetari i Grupit Parlamentar të LDK-së, Hoti, e konfirmoi votën unanime pro të Grupit Parlamentar të LDK-së për Marrëveshjen e Demarkacionit. /Lajmi/
LEXO EDHE: Kurti: Nuk ka liberalizim të vizave edhe pas ratifikimit të Demarkacionit
