Apostolova: Mbështetja e komuniteteve kusht i rëndësishëm për integrim në BE

Aktuale February 21, 2018 - 10:50

Shefja e zyrës së BE-së në Kosovë, Nataliya Apostolova, tha se mbështetja e komuniteteve është kusht i rëndësishëm për integrim BE.

“Integrimi i komuniteteve kontribuon drejt komunitetit evropian, mirëpo realiteti është i hidhur në terren, këto komunitete vuajnë nga diskriminimi dhe varfëria. Mbështetja e këtyre komuniteteve janë kusht i vlefshëm drejt rrugës evropiane”, tha Apostolova.

Këtë deklaratë ajo e bëri në kuadër të seminarit me temën “Zotimi i politikave dhe përfshirja e komuniteteve rom dhe ashkali në shoqërinë kosovare” të organizuar nga Zyra për Qeverisje të Mirë në kuadër të Zyrës së Kryeministrit, në bashkëpunim me Zyrën e Komisionit Evropian.