Ministri i qeverisë Haradinaj që po e përkrah idenë e Ramës për një president
Aktuale
February 19, 2018 - 21:41
Kryeministri i Shqipërisë, Edi Rama në fjalën e tij për 10 vjetorin e pavarësisë befasoi shumë kënd me deklaratën e tij.
Ai tha se në të ardhmen Kosova dhe Shqipëria duhet ta kenë vetëm një president.
E kjo nxiti debat ndërmjet partive e analistëve të ndryshëm.
Idenë e Edi Ramës po e përkrahë edhe Pal Lekaj, ministër i Infrastrukturës në qeverinë e Haradinaj, transmeton lajmi.net
Në një postim në rrjetin social facebook ai ka thënë se trojet shqiptare duhet ta kenë një president, kryeministër dhe një parlament.
“Këto troje u bëfshin me një President, Kryeministër e Parlament. Ëndrra jonë u bëft realitet për nipërit tanë!”, ka shkruar Lekaj në facebook.
Ndryshe deklarata e Edi Ramës u kritikua sidomos nga ndërkombëtarët. /Lajmi.net