Ministri i FSK-së në Francë për bashkëpunim në fushën e mbrojtjes dhe sigurisë
Aktuale
February 14, 2018 - 21:11
Ministri për Forcën e Sigurisë së Kosovës, Rrustem Berisha, u prit sot në Paris nga Sekretarja e Shtetit pranë Ministrisë së Armatave të Francës, znj. Geneviève Darrieussecq.
Sipas njoftimit nga MFSK, në një takim miqësor u evokuan marrëdhëniet e shkëlqyeshme ndërmjet dy vendeve dhe u bisedua për bashkëpunimin bilateral në fushën e mbrojtjes dhe të sigurisë.
Ministri Berisha e njoftoi ministren franceze për të arriturat dhe synimet e FSK-së.
Znj. Darrieussecq e përgëzoi ministrin për sukseset, sidomos në integrimin e komuniteteve jo shumicë.
![Fqinji që dyshohet se rrahu katërvjeçarin lirohet në arrest shtëpiak, babai e quan vendimin skandaloz [video]](/uploads/zeri.info/images/2024/April/25/500x417_perparim1714050709.jpg)