'Pallati i Rinisë po degradon, e dyqanet po zhvlerësohen'

Aktuale February 02, 2018 - 12:51

Për të dytën herë ka dështuar që të hedhet në votim propozim-vendimi i qeverisë për Pallatin e Rinisë, që ajo të kthehet në pronësi të Komunës së Prishtinës.

Ku për këtë ka reaguar, deputeti i Kuvendit të Kosovës nga radhët e Vetëvendosjes, Dardan Sejdiu i cili njëherit është edhe anëtar i Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal. Ai ka thënë se Pallati i Rinisë tash e 18 vite po keqmenaxhohet dhe se infrastruktura sportive e kulturore po degradon.

Sejdiu mes tjerash ka shkruar se duke e shndërruar atë në Ndërmarrje Publike Komunale sipas propozimit të Qeverisë, Komuna e Prishtinës mund të sigurojë donacione për të bërë renovimin e tërësishëm të këtij pallati.

Postimi i plotë i Sejdiut:

Është hera e dytë gjatë kësaj jave që Kryetarja e Komisionit për Zhvillim Ekonomik nuk e hedh në votim propozim-vendimin e qeverisë, sipas kërkesës së komunës së Prishtinës, për bartjen e Pallatit të Rinisë në pronësi të Komunës së Prishtinës!

Tash e 18 vite ky pallat, i ndërtuar me kontributin e qytetarëve të Prishtinës dhe komunave përreth, po keqmenaxhohet. Infrastruktura sportive e kulturore po degradon, ndërsa pjesa komerciale po zhvlerësohet!

Duke definuar pronësinë, pra duke e shndërruar në Ndërmarrje Publike Komunale sipas propozimit të qeverisë, Komuna e Prishtinës mund të sigurojë donacione për të bërë renovimin e tërësishëm të këtij pallati! 

Është e papranueshme zhagitja e këtij vendimi, sidomos tani pasi egziston vullneti dhe vendimi i qeverisë dhe Komunës së Prishtinës!

Pallati është i Prishtinës!