Caktohet seancë e jashtëzakonshme për ndotjen e ajrit në Prishtinë
Aktuale
January 30, 2018 - 11:01
Kryesia e Kuvendit të Kosovës ka marrë vendim që gjatë ditës së nesërme të mbahet seancë e jashtëzakonshme, ku do të diskutohet rreth ndotjes së ajrit në Prishtinë, raporton zeri.info.
Seanca do të mbahet pasdite, duke filluar nga ora 15:00.
LEXO EDHE: Mblidhet Kryesia, shkak ajri i ndotur në Prishtinë
Kryetari i kuvendit, Kadri Veseli, ka thënë se ideja e tërë kësaj është që të gjendet një zgjidhje afatgjate.
Kjo seancë ka ardhur pas kërkesës së 41 deputetëve, të cilët kanë mbledhur nënshkrimet e tyre lidhur me këtë çështje.
Ndërkohë, komuna e Prishtinës gjatë ditës së djeshme ka bërë të ditur se që nga nesër do të fillohet të ndërmerren masa lidhur me ndotjen e ajrit, duke reduktuar kështu numrin e makinave në hyrje të kryeqytetit./Zeri
