Çitaku i përgjigjet Vuçiqit rreth njohjes së Kosovës nga Serbia

Presidenti i Serbisë, Aleksandar Vuçiq, i cili po qëndron në Davos, në kuadër të Forumit Ekonomik Botëror, ka folur sot për vazhdimin e dialogut ndërmjet Kosovës dhe Serbisë në Bruksel.

Ai ka deklaruar se nëse ideja e procesit të normalizimit të marrëdhënieve ndërmjet Kosovës dhe Serbisë po zhvillohet vetëm që Serbia të detyrohet ta njohë Kosovën, ai s’është i interesuar për vazhdim të dialogut.

Vuçiq tha se nëse normalizimi nënkupton njohjen e Kosovës atëherë Serbia i thotë Mirupafshim dialogut.

“Nëse thoni, ‘Serbia duhet ta njohë Kosovën dhe kaq’ – atëherë faleminderit dhe mirupafshim”, kishte thënë Vuçiq.

Pas këtyre deklaratave të parit të Serbisë, ka reaguar ambasadorja e Kosovës në Shtetet e Bashkuara të Amerikës, Vlora Çitaku.

“Ok, bye” (Ani, mirupafshim), ka shkruar Çitaku në llogarinë e saj në Twitter, duke komentuar fjalët e Vuçiqit në Davos./Telegrafi/