Kryeprokurori i Prizrenit: Nuk i kursyem ‘të fortit’
Aktuale
January 07, 2018 - 20:12
Kryeprokurori i Prokurorisë Themelore në Prizren, Admir Shala, thotë se gjatë vitit të kaluar nuk i kanë kursyer njerëzit “e fortë”.
Shala tregon se në vitin 2017, janë ngritur 25 aktakuza ndaj zyrtarëve të institucioneve të ndryshme.
“Në mesin e personave që kemi ngritur aktakuza janë drejtorë të drejtorive komunale, shkollave, inspektorëve etj”, tregon Shala për RTV Besa.
Ai, pjesë të suksesit e ka numëruar edhe aktakuzën e ngritur ndaj 20 zyrtarëve të policisë, të cilët u dënuan nga Gjykata Themelore në Prizren.
