Ismaili: Sigurimet shëndetësore brenda dy vjetësh

Sektori i shëndetësisë u përcoll me shumë sfida dhe probleme gjatë vitit 2017. Të gjitha këto sipas udhëheqësve të shëndetësisë kanë trashëgim i situatës nga vitet paraprake.

Ministri i Shëndetësisë Uran Ismaili ka thënë se brenda dy vjetësh Kosova do të bëhet me sigurime shëndetësore.

“Nevojiten të paktën dy vjet për funksionim të plotë. Mirëpo cka unë mund të garantoj është që punën që do të fillojë do të jetë e përfunduar. Do e fillojë këtë punë për sigurimet shëndetësore dhe brenda këtyre dy viteve jam i bindur fuqimisht se do të kemi sigurime shëndetësore”, tha Ismaili për televizionin 21.