Gecaj i kundërpërgjigjet zëvendëskryeministrit Jevtiq
Anëtari i LDK-së, Bajram Gecaj, ka reaguar pas deklaratave të zëvendëskryeminsitrit njëherësh edhe ministër për Kthim dhe Komunitete nga radhët e Listës Serbe, Dalibor Jevtiq, i cili në një intervistë ka thënë se e përkrahë Gjykatën Speciale, pasi siç ka thënë ai, nuk të jetë fajtore vetëm Serbia, shkruan “Zeri.info”.
Gecaj përmes një postimi në profilin e tij zyrtar në rrjetin social “Facebook”, ka reaguar pas kësaj deklarate duke thënë se, Gjykata Speciale është formuar për raste individuale, derisa iniciator institucional ekskluziv i të gjitha vuajtjet në territorin e ish-Jugosllavisë është pikërisht shteti i Serbisë.
Reagimi i plotë i Gecajt:
ZËVENDËSI I HARADINAJT BARASPESHON FAJIN
Zëvendëskryeministri Dalibor Jevtiq paska deklaruar se përkrahë Gjykatën Speciale, pasi që sipas tij nuk mund të jetë vetëm Serbia fajtore!
Jo zëvendës i Ramush Haradinajt Jo!
Gjykata Speciale është formuar për raste individuale, derisa iniciator institucional ekskluziv i të gjitha vuajtjet në territorin e ish-Jugosllavisë është pikërisht shteti i Serbisë - nuk ka vend për krahasime në këtë mes fare!
