Selmanaj tregon se kur dhe kush do ta rrëzojë Qeverinë Haradinaj, jo vetëm opozita!

Aktuale December 13, 2017 - 19:05

Deputeti i Lidhjes Demokratike të Kosovës, Driton Selmanaj ka folur për ngritjen e një mocioni ndaj Qeverisë Haradinaj, raporton Gazeta Blic.

Selmanaj në emisionin “Infobox” të rtv Dukagjinit ka thënë se në fillim të pranverës së vitit të ardhëshem kjo Qeveri do ta rrëzojë veten.

“Vet koalicioni qeverisës do ta gjejë mënyrën që të rrëzohet kjo Qeveri”, tha ai.
Sipas tij do të jetë Partia Demokratike ajo e cila do të ndikojë në rrëzimin e Qeverisë.

Deputeti i LDK-se më tej ka thënë se jo vetëm qytetaret por edhe partitë politike janë lodhur nga shkuarja në zgjedhje por një gjë e tillë duhet të bëhet për të mirën e qytetarëve.“Jo vetëm qytetarët e Kosovës por edhe ne partitë politike jemi lodhur nga këto procese zgjedhore por është më mirë të shpenzohet për diçka që ia vlen”, është shprehur ai, raporton Gazeta Blic.

Ai më tej ka shtuar nëse një gjë e tillë deri në pranverë atëherë vet LDK do ta iniciojë mocionin për rrëzim dhe shkuarje në zgjedhje në pranverë, kjo për shkak se kjo qeveri është qeveri artificiale dhe duhet t’i vije fundi.