Greiçevci i kundërpërgjigjet ambasadës ruse në Kanada

Aktuale December 07, 2017 - 08:27

Vizita e Presidentit të Kosovës, Hashim Thaçi në Kanada ditë më parë dhe ato që tha në Otavë, nuk janë mirëpritur nga Ambasada e Rusisë në këtë vend.

“Pas vizitës së fundit të Thaçit në Otavë dhe komenteve të tij anti-ruse para mediave kanadeze duam të shfrytëzojmë rastin t’ia kujtojmë secilit që Kosova është Serbi”, ka shkruar në faqen zyrtare të ambasadës ruse në Twitter.

LEXO EDHE: Kosova, përball ashpër SHBA-të me Rusinë në Kanada

Kjo ka nxitur reagimin e ambasadorit të Kosovës në Britani të Madhe, Lirim Greiçevci i cili është kundërpërgjigjur në të njëjtën formë.

“Duam të shfrytëzojmë rastin t’ia kujtojmë secilit që Kosova është e pavarur dhe se Krimea është Ukrainë”, ka shkruar Greiçevci në llogarinë e tij.