Ndalet ngrohja e 'Termokos'-it në disa lagje të Prishtinës

Ngrohja qendrore e Termokosit është ndalur në pjesën më të madhe të lagjeve në kryeqytet.

Ngrohtorja është ndalur gjatë ditës së sotme dhe nuk dihet se kur do rikthehet.

Indeksonline ka kontaktuar me zyrtarë të Termokosit, mirëpo ata nuk kanë ende informacione nëse bëhet fjalë për ndonjë prishje.

Ndryshe, probleme me ngrohjen në kryeqytet ka pasur edhe para dy jave, ku lagjet të cilat janë të kyçura në rrjetin e Termokosit kanë mbetur pa ngrohje pothuajse një ditë.