Pozitë e opozitë kërkojnë zgjidhjen e shpejtë të Demarkacionit

Aktuale December 03, 2017 - 20:42

Pozitë e opozitë kërkojnë të mos të humbet kohë, menjëherë të procedohet në Kuvend çështja e demarkacionit me Malin e Zi.

Deputetë të AAK’së besojnë plotësisht te komisioni i ri për demarkacion dhe thonë se është devijuar vija kufitare.

“Ne kur kemi reaguar e kemi ditë çka po dojmë se nuk jepet territori për asnjë kusht tjetër”, tha për televizionin 21 Ahmet Isufi.

Edhe deputeti i Nismës për Kosovën, Bilal Sherifi pret që qeveria menjëherë pasi të marrë raportin e komisionit të ri ta sjellë në Kuvend dhe siç thotë një herë e mirë t’i jepet epilog kësaj çështjeje.

LEXO EDHE: Bulliqi: Qeveria le të veprojë pas prezantimit të fakteve për demarkacionin

Derisa ekzekutivi në mbledhjen e nesërme e pret nga Shpejtim Bulliqi raportin final, siç ka deklaruar ai, me gjetje të reja, nga ana tjetër Ambasada e SHBA-së nga ana tjetër kërkoi ratifikimin e versionit aktual të marrëveshjes së kufirit me Malin e Zi.