Thaçi: I papranueshëm sulmi mbi shtëpitë e pjesëtareve të FSK-së në veri
Presidenti i vendit Hashim Thaçi, ka quajtur të papranueshëm sulmin mbi shtëpitë e dy pjesëtarëve të Forcës së Sigurisë së Kosovës në Zubin Potok.
LEXO EDHE: Në shtëpitë e dy pjesëtarëve serbë të FSK-së janë hedhur bomba
Thaçi ka kërkuar nga Policia e Kosovës që ta zbardhin rastin dhe përgjegjësit t’i sjellin sa më shpejtë para drejtësisë.
“Ne jemi të përkushtuar në integrimin e plotë të komunitetit serb dhe pakicave të tjera në institucionet e Kosovës”, ka shkruar Thaçi ndër të tjera.
Postimi i plotë i presidentit Thaçi:
Është i papranueshëm sulmi mbi shtëpitë e dy pjesëtarëve të Forcës së Sigurisë së Kosovës në Zubin Potok.
Kërkoj nga Policia e Kosovës që ta zbardhin rastin dhe përgjegjësit t’i sjellin sa më shpejtë para drejtësisë.
Ne jemi të përkushtuar në integrimin e plotë të komunitetit serb dhe pakicave të tjera në institucionet e Kosovës. HTH