Aktuale

Haradinaj i drejtohet Vetëvendosjes “me disa fjalë”

Haradinaj i drejtohet Vetëvendosjes “me disa fjalë”
24 nëntor 2017 • 17 : 21

Kryeministri i Kosovës, Ramush Haradinaj, ka shkruar një status në llogarinë e tij në Facebook duke iu drejtuar anëtarëve të Lëvizjes Vetëvendosje, njofton Klan Kosova.

Sipas Haradinajt, dallojnë shumë kundërshtimet politike ndaj marrëveshjeve të rrezikshme dhe kundërshtimet ndaj gjyqësorit të Kosovës. Dhe këtë dallim Haradinaj i ka ftuar ta bëjnë edhe nga Vetëvendosje.

“Të respektuar kryesi e Lëvizjes Vetëvendosje, ju drejtohem me disa fjalë. Kundërshtimet politike kundër marrëveshjeve të rrezikshme, kanë qenë, janë dhe mbeten legjitime. Kundërshtimet ndaj institucioneve të gjyqësorit, dalin në terren tjetër, me presedanë të rrezikshëm për vendin”, shkruan Haradinaj.

“Si kryetar i Qeverisë, sot, ju them se kam po ato qëndrime që kisha si kryetar partie, ku secili nga ne i jemi përgjigjur gjyqësorit. Ftoj Lëvizjen Vetëvendosje që të ndajë kundërshtimin politik, me kundërshtimin ndaj gjyqësorit. Gjyqësori, edhe ashtu në vështirësi, dobësohet edhe më tepër kur deputetët e zgjedhur e kundërshtojnë atë”.

“Këtë thirrje e bëj, si Kryetar Qeverie, si kryetar partie por edhe si qytetar i Kosovës. Nuk do të jem në përkrahjen tuaj, kur jeni në kundërshtim të gjyqësorit, pasi edhe më parë u kam kërkuar edhe kolegëve të mi, por edhe vet e kam respektuar gjyqësorin”.

© zëri.info