Edhe një tjetër ministri pa asnjë zëvendësministër
Aktuale
November 09, 2017 - 15:03
Ndonëse Qeveria e re e Kosovës thuajse për çdo ditë po emëron së paku një zëvendësministër në dikasteret e ndryshme qeveritare, disa ministri ende mbeten pa zëvendësministra, raporton zeri.info.
E tillë është Ministria e Integrimit Evropian, e cila aktualisht drejtohet nga ministrja Dhurata Hoxha. Në MIE, akoma nuk është emëruar asnjë zëvendësministër, raporton “Zeri.info”.
Ndërkohë, qeveria deri më tash ka caktuar gjithsej 21 ministra, e më shumë se 50 zëvendës të tyre.
Madje, ka ministri e cila tashmë ka bërë gjithsej 5 zëvendësministra, praktikë kjo që nuk ka qenë prezente në qeveritë e kaluara. /Zeri/