Kryeministri Haradinaj dedikim emocionues për babin e tij, ja çfarë i thotë
Aktuale
November 04, 2017 - 13:02
Kryeministri i Republikës së Kosovës, Ramush Haradinaj, ia kushtoi disa vargje mjaft emocionuese babait të tij, përmes një statusi në profilin zyrtar në Facebook.
“Ndonëse, i goditur pamëshirë nga rrufetë dhe i rrahur nga erërat e furishme të kohërave të rënda për popullin e Kosovës, ai e ruajti drejtpeshimin.
I mendueshëm, por stoik. I rreptë, por i sinqertë dhe i dashur.
Na mbështeti e udhëzoi për punë, me ndërshmëri e virtyte të larta.
Mbi të gjitha na inkurajoi e na dha zemër me i dal zot atdheut.
Shumë gjëra të çmuara të jetës sime m’i ka mësuar ai.
Këto vlera janë të përhershme për mua.
Jam shumë krenar që jam djali i tij.
Falemnderit babë!”, shkroi Haradinaj nën dy fotografi të publikuar së bashku me babanë e tij.