Aktuale

Gruevski tregon pse s’ka qenë kurrë për vizitë zyrtare në Kosovë

Gruevski tregon pse s’ka qenë kurrë për vizitë zyrtare në Kosovë
24 shtator 2017 • 21 : 28

Ish-kryeministri i Maqedonisë, Nikolla Gruevski, ka treguar pse nuk ka qenë asnjëherë në vizitë zyrtare në Kosovë.

“E saktë është që nuk kam ardhur në vizitë bilaterale, kam ardhur në Prishtinë në cilësi tjetër, në një ngjarje tjetër zyrtare si kryeministër, por nuk ka qenë vizitë direkte bilaterale”, ka thënë ai, në një intervistë në Klan Kosova.

“Zotëri Hashim Thaçi ka qenë tek unë si kryetar i Qeverisë dy herë: një herë para se të vijë në pushtet, pastaj edhe një herë pasi erdhi në pushtet”, ka shtuar Gruevski.

“Ndoshta për atë ka kontribuar fakti që ne shpesh takoheshim jashtë”, ka thënë ai.

“Shpesh kemi marrë pjesë në forume të ndryshme, në suaza të të cilave kemi realizuar takime”, ka kujtuar Gruevski.

“Ndoshta kjo ka kontribuar që më rrallë të bëjmë takime bilaterale, ndonëse jemi aq afër, 90 km jemi distancë”, ka thënë ish-kryeministri maqedonas.

 

© zëri.info