Jakup Krasniqi i kundërpërgjigjet thirrjeve për rrëzimin e Qeverisë
Aktuale
September 19, 2017 - 12:47
Kryetari i Këshillit Kombëtar të NISMA’s Jakup Krasniqi, ka thënë në një intervistë për Periskopin se Qeverisë Haradinaj duhet t’i jepet kohë për të dëshmuar veten.
Ai ka thënë se kjo kohë, ‘nuk nënkupton 100 ditë apo më pak’, por thotë se të paktën disa muaj duhet të shihet se si po punon kabineti i Haradinajt.
“Mendoj se Qeverisë duhet t’i jepet kohë. Jo 100 ditë, por të paktën 6 muaj. Pas disa muajsh mund të ulemi dhe të diskutojmë se çka është punuar e çka jo. Por mendoj se kaq kohë duhet t’i jepet Haradinajt dhe kabinetit të tij qeveritar”, ka thënë Krasniqi në një intervistë dhënë Periskopit.
