Haradinaj e vlerëson përkrahjen e Kanadasë për Kosovën
Kryeministri Ramush Haradinaj, priti sot ambasadorin e Kanadasë në Kroaci jo rezident për Kosovën, Daniel Maksymiuk.
Shefi i ekzekutivit e vlerësoi lartë përkrahjen e Kanadasë në forcimin dhe konsolidimin e shtetit të Kosovës dhe theksoi rëndësinë e thellimit të bashkëpunimit ndërmjet dy vendeve në fusha të ndryshme, posaçërisht në fushën e ekonomisë dhe të investimeve.
Haradinaj theksoi rëndësinë e anëtarësimit të Kosovës në të gjitha organizatat dhe mekanizmat ndërkombëtarë dhe njëkohësisht edhe vazhdimin e përkrahjes së Kanadasë në këtë proces.
Haradinaj dhe Maksymiuk biseduan edhe për iniciativa të tjera që ndërlidhen edhe me fuqizimin e rolit të gruas në shoqëri.
Ambasadori Daniel Maksymiuk, tha se Kanadaja do të vazhdojë ta mbështesë Kosovën dhe do të angazhohet për thellimin e bashkëpunimit, posaçërisht në fushën e zhvillimit ekonomik.