Haradinaj as që e ka lexuar letrën e hapur të Kurtit

Aktuale August 19, 2017 - 13:28

Kreu i AAK-së, njëherësh i nominuari i PAN-it për kryeministër të vendit, ka thënë se as që e ka lexuar letrën e hapur të Albin Kurtit.

“Për besë nuk e kam lexu”, ka thënë shkurt Haradinaj, në interesimin e gazetarëve gjatë konferencës për media ku nga selia e partisë ka prezantuar gjashtë kandidatë për kryetar komune.

Kujtojmë se dje, Kurti i është drejtuar me një letër të hapur partive politike ku thotë se partitë duhet të propozojnë një kandidat për kryetar të Kuvendit nëse këtë të drejt nuk e konsumon PAN-i.

Nga koalicioni fitues i zgjedhjeve reagimi erdhi nga deputeti Milaim Zeka. Ai ka thënë se ideja e deputetit Albin Kurti për të propozuar pa PAN-in një kandidat për kryetar parlamenti është ide e vjedhur nga Nisma. Por sipas tij, kjo thirrje e Kurtit është për ta bërë akoma më “llugë” situatën në Parlament. E ka quajtur edhe tallje me publikun, por mbi të gjitha e ka parë si thirrje e Kurtit për të detyruar deputetët që të shkelin Kushtetutën e vendit