10 vjet pas vrasjes së 22-vjeçarit nga Kosova, policia gjermane arreston dy të dyshuar

Dhjetë vjet kanë kaluar që prej se e qëlluan në kokë dhe e vranë 22-vjeçarin nga Kosova, Tahir A., në rajonin e Rodelheimit të Gjermanisë.

22-vjeçari, i cili ishte një shpërndarës droge, ishte gjetur i vrarë pranë bicikletës së tij në qytezën Nidda, raporton Insajderi.

E dhjetë vjet pas kësaj ngjarje tragjike, Policia e Gjermanisë ka arrestuar dy të dyshuar për këtë vrasje, raportoi sot gazeta gjermane Bild.

Bild, përmes një raporti të siguruar nga Policia e Gjermanisë, bën të ditur se policia ka kapur dy personat e dyshuar në muajin janar të këtij viti.

Sië shkruan Bild, Policia dhe Prokuroria gjermane i cilësojnë këta dy persona, të dyshuarit kryesor për vrasjen e Tahir A.