Sherifi: Nuk e di çka merr Teuta Rugova me votimin e Qeverisë Haradinaj

Aktuale August 14, 2017 - 23:57

Deputeti i Kuvendit të Kosovës nga radhët e Nismës për Kosovën, Bilall Sherifi, i ftuar në Interaktiv të KTV-së, ka thënë se nuk e di marrëveshjen me Teuta Rugovën.

“Për votën e Teuta Rugovës nuk jam në proces të negociatave, dhe nuk kam njohuri të tilla se çka merr Teuta Rugova me votimin e Qeverisë. Ndoshta është kthim i nderit që zotëri Haradinaj i ka bërë Presidentit Rugova”, thotë Sherifi.

I pyetur nëse vota e saj ka të bëjë me procesin gjyqësor ndaj vëllait të saj, Ukë Rugova, Sherifi ka thënë se nuk dëshiron të spekulojë në këtë aspekt.