Pacolli: Qëndrimet e mia nuk janë luhatur
Lideri i AKR-së Behgjet Pacolli përmes një statusi në rrjetin social Facebook i ka sqaruar postimet e tij në fundit për gjetjen e një zgjedhje për të dalë nga kriza politike që e ka kapluar vendin.
Pacolli ka thënë se postimet e tij nuk nënkuptojnë luhatje nga pozicionet që ka. Po ashtu, ai ka thënë së bashkëpunimi ndërmjet LDK-së dhe Vetëvendosjes duhet të jetë më intensiv.
Më poshtë mund ta lexoni statusin e tij:
Postimet e mija të fundit që të zgjidhet problemi i bllokadës në favor të qytetarëve, dhe thirrjet e mija për liderët e partive parlamentare shqiptare që të “sakrifikojnë” nga vetja dhe ta qesin Kosovën në rendin e parë, nuk nënkupton lëvizje apo luhatje nga pozicionet e mia,(siq i quajti dikush për karrierë apo interes – të dyja këto moti i kam dhe i kam realizuar më së miri deri më tash).
Si rezultat i kësaj mu mundësua që të kuptoj dhe të shoh se kush po punon për interesat e vendit e kush për qellime specifike.
Dikush madje më telefonoi dhe më tha ” qendro me ne se e kemi me ta “lartësu BURRERINË”. Më bëri me qesh !!!!
Në rregull, unë me prezencën dhe lutjet e mija për ju po dëshmoj burrëri(nuk po kërkoj asgjë), por tregojeni ju burrërinë tuaj, leni anash interesat dhe uluni e merruni vesh mes vete.
E konsideroj se bashkëpunimi ndërmjet LDK dhe VV të jetë edhe me intenziv edhe pse mundet per lidershipin e dy partive te konsiderohet si “Sfide sakrifice ” por bëjeni atë për rrespekt ndaj votës dhe deputeteve qe ju përcjellin.
