Lista Serbe i bën thirrje Beogradit të mos sjellë trazira tek serbët e Kosovës

Lista Serbe ka dënuar ashpër incidentet që kanë të bëjnë me sjelljen e trazirave në mesin e serbëve.

Sipas mediave serbe, Lista Serbe u ka bërë thirrje politikanëve të opozitës në Beograd të mos përdorin sulmet ndaj serbëve në Kosovë për promovimin e tyre, transmeton Indeksonline.

“Është qartë se disa persona janë mërzitur nga paqja që kemi arritur me kaq vështirësi në periudha të ndryshme, dhe po shikojnë të vënë trazira”, ka thënë Lista Serbe, duke u bërë thirrje urgjente të gjitha institucioneve relevante të intensifikojnë angazhimin e tyre për të siguruar sigurinë e qytetarëve, sepse, sipas tyre paqja është parakusht i sigurisë për të normalizuar jetën në Kosovë.