Bahtiri: Një parti e PAN-it po bisedon me ne, jemi afër marrëveshjes
Aktuale
July 21, 2017 - 20:03
Nënkryetari i Aleancës Kosova e Re (AKR), Agim Bahtiri, ka bërë të ditur s,e LAA është duke biseduar me një parti nga PAN-i për koalicion.
Bahtiri ka thënë se së shpejti do të bëhet e ditur se për cilën parti bëhet fjalë.
“Jemi duke biseduar edhe me një parti e cila është në koalicion me PAN që të kemi mundësi të kemi më shumë numra me shqiptarë. Jam shumë i bindur që edhe ata deputetë të PAN-it nuk e duan një qeverisje të tillë e cila u është ofruar”, ka thënë Bahtiri për Periskopin.
Ndërsa, thotë se gjasat janë të mëdha që koalicioni PAN të mbetet pa atë parti.
Në koalicionin PAN (PDK-AAK-NISMA) bëjnë pjesë edhe parti që përfaqësojnë minoritetet jo-serbe në Kosovë.
