Ilir Deda flet për ftesën e Presidentit Thaçi

Aktuale July 18, 2017 - 20:35

Lëvizja politike, Alternativa ka thënë se do ta shqyrtojë ftesën e Presidentit të Kosovës, Hashim Thaçi, për takim konsultativ me partitë politike për caktimin e datës konstituive të Kuvendit.

Deputeti  i zgjedhur nga Alternativa, Ilir Deda ka deklaruar se lëvizja e tij nuk ka një qëndrim zyrtar rreth ftesës së presidentit, pasi siç tregoi ai, kjo ftesë nuk është ende zyrtare – por, vetëm publike.

“Do ta shqyrtojmë. Pasi nuk na ka ardhur ende ftesa zyrtare nga Presidenti. Z. Thaçi duhet të na dërgojë njëherë ftesën zyrtare”, ka thënë Ilir Deda për Insajderin.

Lajmin për ftesën që presidenti Thaçi u ka bërë partive politike, e ka konfirmuar nga këshilltari i tij, Ardian Arifaj, i cili ka thënë se takimi është ftuar për të hënën.

Sipas tij, takimi është thirrur që partitë “të merren vesh se kur preferon të mbajnë mbledhjen konstituive të kuvendit të Kosovës”.