Delawie, optimist se ushtria do të bëhet brenda vitit 2017
Ambasadori amerikan Greg Delawie, ka thënë se kosovarët duhet të jenë optimistë për bërjen e ushtrisë, porse edhe duhet te punojnë njëkohësisht, raporton Zëri.Info.
Ai madje, ka thënë se edhe vetë ai është optimist, se një gjë e tillë mund te ndodhë brenda këtij viti.
"Mund t'ju them që kurrë nuk duhet të hyni në diplomaci nëse nuk jeni optimistë, sepse ideja që ta ndryshoni botën është gjithmonë sfiduese. Edhe unë jam optimist dhe mendoj ashtu, se mund të ndodhë në 2017-ën", ka deklaruar Delawie.
Por, ai më tej, ka thënë se Kosova duhet të angazhohet ne bindjen e të gjitha komuniteteve rreth çështjes se ushtrisë, dhe një gjë e tillë të realizohet nëpërmjet ndryshimit kushtetues.
Ndërkohë, ka konsideruar se SHBA është vendi që më së shumti e ka ndihmuar Kosovën./Zëri/
