Hoxhaj: 18 vite pas bombardimeve, Kosova e angazhuar drejt rrugës euro-atlantike

Aktuale March 24, 2017 - 17:48

Ministri i Jashtëm, Enver Hoxhaj ka thënë se e ardhmja e Kosovës është drejt rrugës euro-atlantike.

Me një postim në twitter, ministri Hoxhaj ka kujtuar 18 vjetorin e bombardimeve nga NATO, kundër agresorit serb.

“18 vite nga intervenimi i NATO-s kundër shtypit serb, Kosova është më shumë se kurrë e angazhuar për të ardhmen euro-atlantike”, ka shkruar Hoxhaj në twitter.

Këtë përvjetor e kanë kujtuar edhe liderët e tjerë shtetëror, si presidenti Thaçi, kryeministri Mustafa dhe kryeparlamentari Veseli.