Hoxhaj: Mbajtja e mëtutjeshme e Haradinajt është e pakuptimtë dhe e panevojshme
Gjykata e Apelit në qytetin francez Colmar, ka marrë vendim për shtyrjen e marrjes së vendimit përfundimtar për ekstradimin ose jo të Ramush Haradinajt në Serbi, transmeton “Zeri.info”.
Sipas Gjykatës, vendimi përfundimtar do të merret më 2 mars.
Ky vendim i Gjykatës së Apelit është parë i pakuptimtë dhe i panevojshëm nga ana e ministrit të Punëve të Jashtme të Kosovës, Enver Hoxhaj, raporton “Zeri.info”.
Sipas Hoxhajt, MPJ, ka ofruar mbështetjen e nevojshme shtetërore dhe diplomatike duke besuar thellë në pafajësinë e tij.
Hoxha është shprehur i bindur se kreu i AAK-së, Ramush Haradinaj, shumë shpejt do të lirohet, përcjell “Zeri.info”.
Postimi i plotë i Hoxhajt:
Ministria e Jashtme që unë e drejtoj ka përcjellë në vazhdimësi rastin e ndalimit të ish Kryeministrit Haradinaj që nga 4 janari e deri më sot.
Kemi ofruar mbështetjen e nevojshme shtetërore dhe diplomatike duke besuar thellë në pafajësinë e tij.
Mbajtja e mëtutjeshme është e pakuptimtë dhe e panevojshme.
Jam i bindur në lirimin e shpejt të tij