Ja çka shkruajnë mediat greke për trenin serb
Aktuale
January 15, 2017 - 22:10
Edhe mediat greke kanë shkruar për trenin serb që donte të futej në Kosovë, duke shkruar se Serbia ka kërcënuar Kosovën.
Gazeta e njohur “Protothema” nënvizon se presidenti i Serbisë Tomislav Nikoliç madje nuk ka hezituar të thotë se nëse ndonjë serb do të prekej në Kosovë, Beogradi do të niste edhe ushtrinë për në veriun e shtetit të ri ballkanik.
Gazeta në fjalë shton se Kosova ka qenë territorialisht e Serbisë deri më 2008, kohë kur ka fituar edhe pavarësinë, përcjell Shekulli.
Shteti i Kosovës është njohur tanimë si realitet nga ana e shumë shteteve evropiane dhe nga SHBA, por jo nga Serbia dhe Rusia.
Në Kosovë ka një numër të konsiderueshëm serbësh, në veriun e vendit.
