PISA letër përgëzimi Nikollës: Nxënësit shqiptarë, rezultate fantastike
Aktuale
December 08, 2016 - 14:47
Programi Ndërkombëtar për Vlerësimin e Njohurive të Nxënësve (PISA) i ka dërguar një letër Ministrisë së Arsimit për rezultatet e studimit të vitit 2015.
Kështu, bazuar në raportin e publikuar dje të PISAs, letra që mban firmën e zyrtares së kësaj organizate vlerëson ministren Nikolla për punën që ka bërë në fushën e arsimit. Letra vlerëson edhe punën e kryeministrit si edhe të reformave që janë ndërmarrë në fushën e arsimit.
“Jemi shumë të lumtur për mbështetjen që ministrja e Arsimit dhe kryeministri u kanë dhënë reformave në arsim në Shqipëri. Pranoni përgëzimet tona për rezultatet fantastike që 15vjeçarët shqiptarë arritën në PISA 2015. Urime dhe mos hiqni dorë. Reforma në edukim është një rrugë e gjatë”, shkruan letra e Helene Skikos.